الرمانية (على طريقة ام لؤي)

الرمانية (على طريقة ام لؤي )

مُساهمة من طرف ام لؤي في 23/4/2009, 10:57 pm
الرمانيه اكلة فلسطينيه عريقة .كثير طيبة والقليل يعرف يعملها .واظن هي خاصة باهل يافا ولكن احنا الغزازوة بنعملها وبنحبها .
المطلوب والطريقة
نغسل العدس الحب (ابوجبة تبع المجدره ) ونضعه مع الماء في قدر ليسلق نصف سلقه ثم نضيف الباذنجان المقطع الى قطع متوسطة (مع ملاحظة عدم تقشير الباذنجان ولكن مجرد غسله وتقطيعه ولان لون القشر يعطي لون رائع للطبخه )ونسقط معهم ثوم ناعم وجراده مصحونه وقرن فلفل احمر ناعم ونتركة قليلالينضج وفي هذه الاثناء بنكون وضعنا عصير الرمان الحامض في قدر تاني ووضعنا قليل من الطحين (فائدة الطحين ان يعطي بعض الثخانه للطبخه)ونحاول تحريكه جيدا .
يجب ان لا يصل الباذنجان لمرحلة الاستواء الكامل يعني قبل ما يستوي نضع مزيج الطحين وعصير الرمان .
وكمية الحموضة نتحكم فيها فلو اردناه حامض نزيد عصير رمان حامض ولو اردناه خفيف الحموضة نخفف عصير الرمان الحامض .
ونتركه شوية يغلي كم غلوة وكمان علشان الطحين بده قليل من الاستواءولا ننسى ضبط كمية الملح حسب رغبتنا ويجب ان يكون قوام الطبخة ثخين بعض الشيء وقطع الباذنجان باينة وغير مهرية وقبل ان نطفيء النار نضيف القليل من الطحينة ونقلي له ببصلة ناعمه بقليل من الزيت ثم يسكب في الصحون .وبنوزع على حبايبنا والي بيعزو علينا .
وتؤكل بارده بتكون اطعم وبجانبها مخللات وزيتون والذي منه .
والف صحة وعافيه .


ام لؤي
عضو مميز
عضو مميز

عدد الرسائل: 2443
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف Haider Mohammed في 24/4/2009, 2:51 am
سلم إيديكي إبنة العم أم لؤي
طبخه لذيذه بحب آكلها بس للأسف الحجه أم محمد ما عمرها طبختها على الرغم من أنها تعرف الطريقه ولكن الآن الأولاد هم من يحكم في الأكل والطبيخ ( بنظام بحب وبحبّش )
الحمد لله الأولاد عندي بيحبوا السماقيه بشكل عنيف على الرغم من أنها تشبه في شكلها الرمانيه .
£$%;


_________________


Haider Mohammed
مختار الديوان
مختار الديوان

عدد الرسائل: 1087
العمر: 47
الأسم الحقيقي:: حيدر محمد عبدالوهاب أبوشعبان
تاريخ التسجيل: 09/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف Eng.Ghadeer في 24/4/2009, 6:40 am
يسلمو اديكي يا ام لؤي على هالأكلة الزاكية....هي صحيح فرق بينها و بين السماقية لكن انا بسميها بنت عم السماقية.....و احنا بنحبها كتير و بنعملها زي طريقتك بس يعني بنعملها في السنة مرة..لما يكون أوان الرمان...و هي فعلاً باردة أزكى و حتى الرمانية و السماقية تاني يوم ما بنعملها بتبقى أزكى من أول يوم..
و بناكل جنبها مخللات و بصل و جرجير..

بس انتي ناسية تكتبي انها طحينة حمرة مش بيضة اللي بنضيفها عالرمانية.

سلمتي و دمتي يا ام لؤي..تحياتي الك

_________________


Eng.Ghadeer
عضو مميز
عضو مميز

عدد الرسائل: 3642
العمر: 26
الأسم الحقيقي:: غدير سمير حلمي أبو شعبان
تاريخ التسجيل: 10/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام لؤي في 24/4/2009, 8:02 am
يا هلا فيكي يا غدير .
والله صح كلامك الرمانية بنت عمها للسماقيه يعني قرايب وحبايب والتنتين زاكيين .
بالنسبة للطحينة هي صحيح بتنعمل بالطحينة الحمراء بس احنا هنا ما بيوصلنا الدعم تبع غزه وبنعملها بالطحينة البيضاء يعني ناس غلبانين وبرضو بتمشي وبتكون لذيذه .
بارك الله فيكي يا غدير وسلمي على الوالده والجده .
تحياتي ومودتي .


ام لؤي
عضو مميز
عضو مميز

عدد الرسائل: 2443
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام لؤي في 24/4/2009, 8:10 am
يا هلا فيك يا مختارنا .
والله انه كلامك صح .في هذا الوقت الاولاد بيمشونا على كيفهم في حكاية الاكل .يعني الام بتكون عاملة طبخه رائعه ومن الصبح تشتغل فيها واخر شيء بيطلعو في الطبخه وبيبحلقو عينيهم وبيقولو ما بدنا ناكل وبتصفي على الام والاب فقط واحيانا تلاتة ارباع الاكلة يرتمي علشان ما حدا اكل منه .
والله ربنا يعين وحتى احيانا بعمل اكتر من صنف بكميات قليلة وياريت معجبهم كمان .ونظام بحب وبحبش هدا فالقني والله .ما بتذكر كنا في صغرنا نعمل هيك يعني لا يخلو الامر بس مش مثلهم اطلاقا .
وشكرا لمرورك يا مختارنا الكريم .
تحياتي .


ام لؤي
عضو مميز
عضو مميز

عدد الرسائل: 2443
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف Eng.Ghadeer في 24/4/2009, 8:43 am
الله يسلمك و يبارك فيكي يا ام لؤي....


و ولا يهمك بنبعتلك دعم من عنا بالنسبة للطحينة الحمرة....صح أنا نسيت انها مش متوفرة عندكم برا..


كمان بالنسبة لأولادك اللي مغلبينك بالأكل...يمكن انتي عودتيهم اللي ما بحب هالأكلة بتعملي الو أكلة تانية ..أكيد ما بهون عليكي فيه...فعشان كدا صاروا يتدلعو...بس فعلاً كتير صاير بعض الأولاد ما بحبو الأكلات اللي هي طبيخ...يا حاجات سريعة يا همبورجر يا ستيكات يا جاج..اما رمانية فقاعية...عدس...ملوخية يفتح الله...أنا أختي كدا اولادها...عندها ماشالله 5 بنات و ولد و كل يوم الها عرس على الأكل...على هادي بديش و انا بدي و انا ما بحبو و انا مش راح آكل منو...و بتعمل يا حرام أكلة الها و أكلة لبنتها هادي و أكلة لبنتها التانية و بصير كأنو مطعم كل واحد طالب طلب معين....بقول أنا مفروض من مزغرهم تعمل الام أكلة وحدة و تقول اللي بدو ياكل ياكل اللي ما بدو هو حر بتروح عليه و فش أكل غيرو.....أنا زمان ونا ازغيرة كنت حاجات ما أحبها أحيانا ماما تعملي أكلة لحالي..بس بعدبن صارت اتقلي احنا طابخين كذا بدك بدك بدكيش انتي حرة فش غيرو...فبنرضى بالأمر الواقع سعيتها و بناكل ...


و أحلى تحية لـــ ليث الأمور..

_________________


Eng.Ghadeer
عضو مميز
عضو مميز

عدد الرسائل: 3642
العمر: 26
الأسم الحقيقي:: غدير سمير حلمي أبو شعبان
تاريخ التسجيل: 10/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام لؤي في 24/4/2009, 10:05 am
والله كلامك صح يا غدير
شكلنا احنا الي دلعناهم .يعني لما كنا صغار كانت الوالده الله يرحمها بالفعل تقول هذا هو اكلنا واذا ما بدك بلاش تاكلي .لكن كنا ندبر حالنا بحواضر البيت وبعيد عنها علشان ما تقعد تحكي .لكن اولادنا ما يتعجبهم اكم صنف بيقومو يقلو بطاطا او همبرغر اويعملو مكرونه على طريقتهم او اندومي وهدا هو الموضة الي طالعه جهارا وبصراحة بغض الطرف انا وبقول حرام هم ما اتغدوا .
حتى مرات كتير من الليل بنسق مع الكل الطبخه تبعت تاني يوم وايش البدائل للي ما بيحبها كمان .
يعني ربنا يعينا عليهم .
وصل سلامك لليث وهو كمان بيسلم على خالتو غدير كتير .
وشكرا الك يا نواره .


ام لؤي
عضو مميز
عضو مميز

عدد الرسائل: 2443
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف أبو محمد ( حازم ) في 25/4/2009, 2:31 pm
تحياتي للجميع والرمانية طيبة كتير ولكن لي رجاء عدم إقران إسمها بالسماقية فشتان بين الرمانية والسماقية يعني بلا بنت عمها بلا بنت خالها فالرمانية من الأكلات الصومي وزاوت هوبار أما السماقية فبها من الألغام ما يجعلنا نتّعثر في كل لقمة بشقفة لحمة طرية وزاكية مش بتنجان ؟

فرق كبير والله بين البتنجان وبين اللحم

_________________


أبو محمد ( حازم )
Admin

عدد الرسائل: 2167
العمر: 40
الأسم الحقيقي:: حازم سمير حلمي أبو شعبان
تاريخ التسجيل: 04/05/2008

معاينة صفحة البيانات الشخصي للعضو http://hilmi-abu-shaban.page.tl/

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام لؤي في 25/4/2009, 3:05 pm
يا اخ ابو محمد يا بركة والله البتنجان عندي اطيب من كل اللحمه .
هو سبحان الله كل اكلة والها زكاوتها بس برضو الباذنجان كتير طيب بالرمانيه وحتى لو كانت وز اوت هوبر ما بتتاكل يعني وعلى فكرة كتر اكل اللحمه بيعمل نقرس (مرض الملوك) ومش منيح على الصحه يا خو .
تحياتي


ام لؤي
عضو مميز
عضو مميز

عدد الرسائل: 2443
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف أبو محمد ( حازم ) في 25/4/2009, 3:38 pm
والله يا بنت عم أنا لسه ما صرت 40 وأصبع رجلي بينقح عليا وكأن به مسامير وأكيد من كتر اللحوم والمواد البروتينية

_________________


أبو محمد ( حازم )
Admin

عدد الرسائل: 2167
العمر: 40
الأسم الحقيقي:: حازم سمير حلمي أبو شعبان
تاريخ التسجيل: 04/05/2008

معاينة صفحة البيانات الشخصي للعضو http://hilmi-abu-shaban.page.tl/

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف Haider Mohammed في 25/4/2009, 5:58 pm
سلامتك أبو محمد من الوجع والنقرص
محسوبك صارلو فتره بياخد دوا للنقرص ، الله يجيركم من أوجاعه
لذلك صرت أقلل من الهوبر ( الحمراء بالذات ) وصرت أتوخى الحذر من التعثر بالألغام في صحن السماقيه ، وبيضل الباذنجان أرحم والذي يسمى في هذه الأكلة بـ (لحم الفقراء)
لكن بعض الأحيان بنسى نفسي في العزايم وباكل لحمه وهوبر لما أنسِطِح وبنسا ساعتها الوجع ومواويله .

_________________


Haider Mohammed
مختار الديوان
مختار الديوان

عدد الرسائل: 1087
العمر: 47
الأسم الحقيقي:: حيدر محمد عبدالوهاب أبوشعبان
تاريخ التسجيل: 09/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف أبو محمد ( حازم ) في 25/4/2009, 6:14 pm
يبدو لي أن هناك في جسمنا عداد أو ترمو متر لكل شيئ فمثلاً لو تغديت مقالي العداد بيعطي إنذار أن جسمك اليوم ما دخله لحوم عوضها يا ولد في العشا ولو متقّل في الغدا من نوع اللحوم بيقوللي خلاص لا تتعشى اللمبة الحمرا ضوت

يعني التوازن والإعتدال حلو ومطلوب وكل شيئ بيزيد عن حدّه بيضّر ما بينفع

_________________


أبو محمد ( حازم )
Admin

عدد الرسائل: 2167
العمر: 40
الأسم الحقيقي:: حازم سمير حلمي أبو شعبان
تاريخ التسجيل: 04/05/2008

معاينة صفحة البيانات الشخصي للعضو http://hilmi-abu-shaban.page.tl/

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف أبو حلمي في 26/4/2009, 5:19 am
أنا مش أكيل لحمة كثير وبلاقى الرمانية أخف على المعدة من السماقية ولنفصل لكم كلمة سماقية فهي :

ســـــم اقية ....يعني نص اسمها ســم ... وكل واحد ياكل اللي بيحبه من الطعام طبعاَ .

_________________


أبو حلمي
عضو مميز
عضو مميز

عدد الرسائل: 5393
العمر: 71
الأسم الحقيقي:: سمير حلمي مصباح أبو شعبان
تاريخ التسجيل: 21/04/2009

معاينة صفحة البيانات الشخصي للعضو http://hilmi-abu-shaban.page.tl/

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام لؤي في 26/4/2009, 9:10 am
بالفعل حتى انا بلاقي الرمانية اخف على المعده يا عمنا الحاج
ولكن كل طبخه والها زكاوتها وموقعها في المطبخ الفلسطيني وكلهم نعمه وخير من الله .
وتفسير معنى السماقيه اول مره بسمع فيه فشكرا لك يا عمنا الحاج يا من تعلمنا من خبرتك ومعلوماتك الكثيرة
فجزاك الله عنا كل الخير
واشكر مرورك العطر..


ام لؤي
عضو مميز
عضو مميز

عدد الرسائل: 2443
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام سامر في 26/4/2009, 10:54 am
يسلموا ايديكي يا ام لؤي طبخه زاكيه كتير وزي ما قلتي مش كل الاولاد بيحبوا اكلاتنا القديمه...الجاهز ازكى؟؟؟الحمد لله لسه فيه امل وناس تحيي التراث...يسلموا مره تانيه..


ام سامر
عضو مميز
عضو مميز

عدد الرسائل: 4039
الأسم الحقيقي:: لولو
تاريخ التسجيل: 17/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: الرمانية (على طريقة ام لؤي )

مُساهمة من طرف ام لؤي في 6/5/2009, 7:52 pm
الشكر الجزيل لك يا ام سامر
وبالفعل احنا بنحب هذه الاكلات واولادنا ما بيستعرفو عليها لكن مع المحاولات ان شاء الله يحبوها .
تحياتي لك .