طبيخ الباذنجان الشامي

من طرف Eng.Ghadeer الخميس مايو 13, 2010 7:40 am

طبيخ الباذنجان الشامي

طبعاً هذه الأكلة من اسمها تدل على انها سورية..نطبخها دائماً وطعمها زاكي كتير وتغير عن الطبخات العادية وعن أنواع الباذنجان..أرجو أن تنال اعجابكم وتجربوها ...

المقادير:
- 2 كيلو باذنجان صغير مثل باذنجان المخلل (حجم الواحدة بحجم الأصبع وفي أصغر).
- 4 حبات بصل كبير.
- 1 كوب حمص منقوع.
- نصف كيلو لحمة مفرومة ناعم.
- رأس ثوم.
- فلفل أسمر وبهار وقرفة وملح.
- ملعقة كبيرة سمنة.
- 2 حبة من الرمان الحامض.أو قطعة تمر هندي

وعادة يتم استعمال الرمان الحامض في طبخة الباذنجان الشامي عدد 2 حبة رمان حامض

وفي الوقت الذي لا يوجد فيه رمان يستعمل التمر هندي

طبيخ الباذنجان الشامي Item60525

الطريقة:
- نحضر طنجرة ونضع بها ما يلي:نقشر البصل ونفرمه ناعم،ونقشر الثوم و نضعها دروس صحيحة ونضيف الحمص لهم واللحمة والبهارات والملح..ونتكرهم معاً على النار
- في هذه الأثناء نقشر الباذنجان ونتركه صحيح لا نقسمه ونشقه من الجانب لكي يدخل الحمض به ويتغلغل جيداً،ثم نضعه فوق الخليط السابق على النار ونغمرهم بالماء. ونتركهم مدة ساعة تقريباً الى أن تنضج اللحمة والباذنجان.
- بالنسبة للتمر هندي نكون قد نقعناه من الصباح بشوية ماء مغلي ثم يتم عصره بواسطة اليد ونصفيه بمصفاة ناعمة ونضعه على الطنجرة عند قرب انتهاء النضج ونتركهم معاً ليتسبكوا ويظل بالنهاية القليل من المرقة.وبالنسبة للرمان يتم عصره جيداً وتصفيته من البزر واضافته قبل انتهاء النضج للطبخة.
- يغمس بواسطة ا لخبز ويؤكل معه فلفل أخضر ومخللات

وبالهنا والشفا

من طرف Eng.Ghadeer الخميس مايو 13, 2010 7:41 am

رد: طبيخ الباذنجان الشامي

طبيخ الباذنجان الشامي Icon_post_target

من طرف ام سامر في 25/5/2009, 9:19 am

يسلموا ايديكي يانوارة الديوان غدير...
باين عليها زاكيه وجديده عليا ..ان شاء الله بجربها..وعلى رايك تغيير عن الطبيخ العادي والروتيني...
تقبلي تحياتي...

عضو مميز
طبيخ الباذنجان الشامي 20109367

عدد الرسائل: 4039
الأسم الحقيقي:: لولو
تاريخ التسجيل: 17/08/2008

رد: طبيخ الباذنجان الشامي

طبيخ الباذنجان الشامي Icon_post_target

من طرف Eng.Ghadeer في 25/5/2009, 10:09 am

أسعدني مرورك ام سامر وان شاء الله تجربيها وتعجبك
شكراً الك
تحيتي ومودتي

_________________

عضو مميز

عدد الرسائل: 3642
العمر: 26
الأسم الحقيقي:: غدير سمير حلمي أبو شعبان
تاريخ التسجيل: 10/04/2009

رد: طبيخ الباذنجان الشامي

طبيخ الباذنجان الشامي Icon_post_target

من طرف ام لؤي في 25/5/2009, 11:32 pm

يا الله يا غدير يا نوارة هذه الاكلة بحبها وكانت ستي ام علي تطبخها هو صحيح ستي غزاوية قح بس من وين بتعرفها مش عارفة؟؟
وكمان لما ما يتوفر الرمان الحامض كانت تعملها بعصير الطماطم . اما عن الباذنجان بتذكر انه كانت ستي اتقلمة يعني مش تقشير كامل ولكن بتضل القمعه فيه وبيكون كتير صغير بيكون اطيب ولكن توضع اللحمه قبل الباذنجان لانها بتستحمل نار اكتر من الباذنجان ولانه ستي كانت تحط لحمة خروف قطع بعظمها مش مفرومة والرمان الحامض في الاخر طبعا وهو بالرمان بيكون على اصوله .
والف شكر يا غدير ويعطيكي العافيه
لك تحياتي ومودتي .

عضو مميز
طبيخ الباذنجان الشامي 20109367

عدد الرسائل: 2437
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

رد: طبيخ الباذنجان الشامي

طبيخ الباذنجان الشامي Icon_post_target

من طرف أبو حلمي في 26/5/2009, 4:58 am

<BLOCKQUOTE>ولكن بتضل القمعه فيه وبيكون كتير صغير بيكون اطيب ولكن توضع اللحمه قبل الباذنجان لانها بتستحمل نار اكتر من الباذنجان ولانه ستي كانت تحط لحمة خروف قطع
</BLOCKQUOTE>

كلامك صحيح إم لؤي...تزال القمعة من الباذنجانة فقط ويبقى الطربوش الأخضر ومنظره جميل جداَ

الظاهر مع العجلة نسيت غدير توضح هذه المعلومة بس لما بتعمله في البيت بتسيب الطربوش

شكرَ لكم جميعاَ على وصفاتكم الطيبة

رد: طبيخ الباذنجان الشامي

طبيخ الباذنجان الشامي Icon_post_target

من طرف Eng.Ghadeer في 26/5/2009, 6:12 am

<BLOCKQUOTE>ام لؤي كتب:يا الله يا غدير يا نوارة هذه الاكلة بحبها وكانت ستي ام علي تطبخها هو صحيح ستي غزاوية قح بس من وين بتعرفها مش عارفة؟؟
وكمان لما ما يتوفر الرمان الحامض كانت تعملها بعصير الطماطم . اما عن الباذنجان بتذكر انه كانت ستي اتقلمة يعني مش تقشير كامل ولكن بتضل القمعه فيه وبيكون كتير صغير بيكون اطيب ولكن توضع اللحمه قبل الباذنجان لانها بتستحمل نار اكتر من الباذنجان ولانه ستي كانت تحط لحمة خروف قطع بعظمها مش مفرومة والرمان الحامض في الاخر طبعا وهو بالرمان بيكون على اصوله .
والف شكر يا غدير ويعطيكي العافيه
لك تحياتي ومودتي .
</BLOCKQUOTE>

معقووووووول يا ام لؤي برضو بتعرفيها....فش فايدة بتعرفي كل حاجة ماشالله....ههههه...رهيبة...احنا في غزة ما حد بعرفها الا احنا...

صراحة كلامك صحيح احنا بنخلي الطربوش القمعة تبعته عشان ما بينهرط الباذنجان ومنظره أحلى بكون..وانا نسيت اكتبها سقط سهواً...وانتي عشان ستك الله يرحمها كانت تحط لحمة خروف قطع أكيد بدها تستوي بعدين بنحط الباذنجان..بس هادي عشان لحمة مفرومة ناعم مافي مشكلة لو حطينا كلشي مع بعض.ما بتاخد وقت اللحمة المفرومة كتير طبعا متل الشقف الكبيرة..

وبالفعل الباذنجان بكون صغير كتتييير(ازغنتوت) وكدا أطيب،،،وبالرمان بكون على أصوله لكن عند عدم تواجده زاكي كتير بالتمر هندي كبديل..ابقي جربيه...

أسعدني مرورك وتعليقك

تحيتي ومودتي

_________________

Eng.Ghadeer
عضو مميز
طبيخ الباذنجان الشامي 20109367

عدد الرسائل: 3642
العمر: 26
الأسم الحقيقي:: غدير سمير حلمي أبو شعبان
تاريخ التسجيل: 10/04/2009

رد: طبيخ الباذنجان الشامي

طبيخ الباذنجان الشامي Icon_post_target

من طرف Eng.Ghadeer في 26/5/2009, 6:13 am

<BLOCKQUOTE>أبو حلمي كتب:

<BLOCKQUOTE>ولكن بتضل القمعه فيه وبيكون كتير صغير بيكون اطيب ولكن توضع اللحمه قبل الباذنجان لانها بتستحمل نار اكتر من الباذنجان ولانه ستي كانت تحط لحمة خروف قطع
</BLOCKQUOTE>

كلامك صحيح إم لؤي...تزال القمعة من الباذنجانة فقط ويبقى الطربوش الأخضر ومنظره جميل جداَ

الظاهر مع العجلة نسيت غدير توضح هذه المعلومة بس لما بتعمله في البيت بتسيب الطربوش

شكرَ لكم جميعاَ على وصفاتكم الطيبة

</BLOCKQUOTE>

شكراً لوالدي على التوضيح وعلى المرور

من طرف ماما نغم الجمعة مارس 16, 2012 10:21 am

مشكورين علي هالاكله الطيبه وكان نفسي اكون معزومه معاكو لما تعملوها وبالهنا والشفا