طريقة عمل المجدرة

<LI>


طريقة عمل المجدرة



من طرف Eng.Ghadeer في 8/6/2009, 8:50 am

رد: طريقة عمل المجدرة

من طرف ام سامر في 8/6/2009, 10:32 am

يسلموا ايديكي يانوارة الديوان غدير اكله طيبه ويحبها الجميع عندي بالبيت...انا بوفر جلي وبقلب البصل يعني ثلاث بصلات بفرمهم جوانح وبقلبهم حتى يتحمروا وبحطهم على جنب بعدين بفرم بصله ناعمه وبقلبها بنفس الطنجره اللي بدي اطبخ فيها حتى تذبل وبعدين بحط الميه الازمه وعليهم العدس الحب وبخليه يستوي وطبعا اضافة البهارات والكمون وشوية كركم لون بس وبالاخر بقدح بشوية زيت ذره وسمنه..وممكن بالاول ازيد كمية الزيت اللي بقلب فيهم البصل وبهيك ما بحتاج مقلاة عشان القدحه...
الكشري المصري برضه بعمله زي طريقتك بس ما بحط حمص..انا تعلمته من جاره مصريه..
تقبلي تحيتي ومودتي..
الله يسعد صباحك....ظهرا..ههههه

من طرف Eng.Ghadeer في 8/6/2009, 10:36 am

أسعدني مرورك وتعليقك ام سااامر....وحلوة فكرة توفير الجلي...اكيد احنا بنعمل كدا..بس لما آجي أحكي الطريقة الا اقعد اكتب طوى من هنا وطنجرة من هناك يعني عشان يكتر الحكي يا ام سامر..ههههه

يعني تقريباً طريقتك زينا بالضبط...

يسعد مساكي يا ام سامر...فاحنا الظهر فعلاً....

رد: طريقة عمل المجدرة



من طرف عبير في 8/6/2009, 12:25 pm

شكرا على المجدرة انا بحبها كتير وبحب اكل جنبها سلطة خضرا ولبن

والكشري بعمله بدون حمص برضوا لذيذ جربيه يا غدير

تحياتي

شكراً لمرورك يا عبير وان شاء الله بدي اعمل الكشري قريباً _________________ Eng.Ghadeer عضو مميز عدد الرسائل: 3642 العمر: 26 الأسم الحقيقي:: غدير سمير حلمي أبو شعبان تاريخ التسجيل: 10/04/2009

رد: طريقة عمل المجدرة من طرف ام لؤي في 8/6/2009, 3:33 pm يسلمو ايديكي ياغدير يانوارة المجدرة انا الي بحبها في البيت اكتر شيء والباقيين بياكلوها مجاملة لانها اكلة مش محبوبة في بيتنا . بس طريقتي بتختلف عنكم شوية وهو انه العدس لمابحطه ينسلق بسقط جواته ثوم ناعم وكمون والبهار والفلفل الاسود والكركم طبعا وقبل مايستوي بضيف الارز المصري المنقوع وبيتكمل هو والعدس استواء وطبعا ماتنسو الملح .والزيت الي بقلي فيه البصل بديره على المجدرة علشان ياخد من اثر البصل .وفي صحن التقديم باغرف المجدرة وعلى وجهها البصل وبحبه يكون كتير . وبعمل جمب المجدرة صوص طماطم وطريقته سهلة كتير وهي انه بحمر بصلة ناعمة بزيت ذرة وبضيف سنين ثوم ناعمين ثم بضيف عصير طماطم وملعقة صلصة وشوية بهار وفلفل وملح وممكن فلفل اذا بتحبو وبخليهم يغلو شوية وبعدين بخلطهم بالخلاط وبنزلهم على صحن التقديم وبتتاكل جمب المجدرة وكتير طيبة . وطبعا من السلطات بحب سلطة الخيار واللبن جمب المجدرة . ومرات ممكن اعمل المجدرة بالبرغل الاسمرالخشن بدل الارز وبنفس الطريقة وبتطلع كمان طيبة وهي افيد من الارز على مااعتقد . اما الكشري فبرضو بسلق كل شيء لحاله وبعدين بجمعهم وبضيف الصوص الي شرحته سابقاعلى وجه الطبق وبيطلع كتير طيب وما بضيف حمص . شكرا لك ياغدير وخليكي بهذه الهمة ماشاء الله عليكي . محبتي

: طريقة عمل المجدرة

من طرف Eng.Ghadeer في 8/6/2009, 5:32 pm

تسلمي غديريا غالية طريقتك نفس طريقة الوالدة الله يخليها بس لما تزوجت لقيت حماتي بتعملها غير طريقة ما بتحط فيها لا بهار ولا كركم ولا اي نوع من البهارات فقط فلفل اسود وملح وبتسلق العدس بعد ما يستوي بتضيف الارز وبعدين بتحمر البصل علي جنب وبتخربط البصل بعد ما يستوي مع المجدرة وبتتاكل مع سلطة عادية بس حراقة وسبحان الله كل شيخ الو طريقته وهي ذاكية كمان مش بطالة وهيك داري جوزي كويس سهلة ومريحة ههه تسلمي غدير

بالفعل كل شيخ والو طريقة بس يمكن ازكى لو كان بهارات وكركم...المهم لو مدا عاجبة الكل خلص وكل واحد على حسب ما بتعود وعلى حسب ما بدو ياكل وكلو مع العافية منيح

شاكرك منى على تعليقك الذي يسعدني دوما

شكرا اخ حسون عالمرور وبارك الله فيكم جميعا