عرايس الكباب (على طريقة غدير)

من طرف Eng.Ghadeer في 24/4/2009, 1:05 pm


أنا عملتلكم اليوم أكلة عرايس الكباب و صورتلكم اياها....هالأكلة زاكية كتيير و سهلة..
طريقة العمل:
- نحضر كفتة جاهزة عليها كل حاجة (بهارات و ملح و بقدونس و بصل و ثوم لمن يحب الثوم) زي كفتة الكباب او أي نوع كفتة بنطبخها.
- بنعمل الكفتة على هيئة كور صغيرة و بنحطها على جنب.
- تحضر رغيف خبز صغير و بنقسمه من النصف كما هو موضح بالصورة.


- نحضر بندورة و نقشرها و نقسمها حلقات رقيقة،،،كما نحضر بصل و نقشره و نقسمه حلقات أو جوانح رقيقة وممكن وضع حلقات فلفل بحرق .

- نحضر وجه واحد من الرغيف و نفرد عليه كرة الكفتة و نضع على وجهها شرايح البندورة و البصل كما هو موضح بالصورة و نترك وجه الخبز الآخر على جنب نريده لاحقا.

- نأخذ الأرغفة التي جهزناها و نصفها على سلكة الشوي التي تكون طبقتين و تقفل بمشبك كما هو موضح بالصورة.

- نأخذ السلكة و نضعها على الكانون و نشوي أولاً الوجه الذي عليه الكفتة حتى تتحمر.
- بعد أن تحمرت الكفتة نضع الوجه الآخر للرغيف عليها و تصبح الأرغفة كلها مغطاة فنشويها من فوق و من تحت كما هو موضح بالصورة.

- ينتج لنا بالنهاية رغيف مقفل محمر من فوق و من تحت وبداخله كفتة محمرة و عليها شرايح بندورة و بصل...كما هو موضح بالصورة.




ملاحظة: ممكن استخدام الفرن العادي بدلاً من الكانون و الشوي على الفحم...لكن على الفحم أطيب كتيير


و بناكل معاها سلطة و بطاطس مقلية و لبن زبادي



و ألف صحة و عافية لكل من شاف الموضوع و شم ريحة الصور.

رد: عرايس الكباب على (طريقة غدير)



من طرف ام لؤي في 24/4/2009, 6:27 pm

ههههههههههههههههههه
وانا شفت والريحه الحلوة وصلت لي وياريتني شفت الموضوع من اول كان اجيت واتغديت معكم.
ويسلمو ايديكي يا نواره طريقه جديده انا بعرف العرايس بوضع الجهتين من الخبز وبحطهم بقصدير شوية لحد ما تستوي اللحمه ثم اشيل القصدير واحمر الخبز من الجهتين وممكن بالفرن او على كانون الفحم
وكمان بحط الطماطم المقشرة في خلطة الكفتة نفسها والبصل في الخلطة بكتره وبضيف فلفل رومي .
بس طريقتك اضبط حسيتها .
وان شاء الله بجربها .
وشكرا كتير الك على هالاكلة الحلوة والمجهود في تنزيل الصور .
تحياتي .

رد: عرايس الكباب على (طريقة غدير)

من طرف Eng.Ghadeer في 24/4/2009, 7:16 pm

واديكي يا ام لؤي ...و انتي بتشريفنا والله و بنتآنس فيكي ...

بالنسبة لطريقتي لقيتها أفضل انو نشوي الكفتة و انخليها تتحمر بتطلع أطيب متكون مغطية و متخبية بقلب الرغيف...كذلك البندورة و البصل كدا بنستطعم فيهم و هما حلقات....و ممكن اذا حابة تخلطي الكفتة نفسها فممكن تنخلط شوية صلصة...واكيد عجينة الكفتة فيها بصل برضو فهو بزكيها كتير..

وبارك الله فيكي...وبالنسبة لتنزيل الصور فهي سهلة بالنسبة لي...من الجوال عالكمبيوتر عالموقع عطووووول و ان شاء الله انشوف المزيد من أكلات الثلاثي المرح.

رد: عرايس الكباب على (طريقة غدير)



من طرف أبو محمد ( حازم ) في 24/4/2009, 9:25 pm

يا عيني يا عيني يا غدير كمان حاطه إسمك عالصور متطورة شايفك ؟ خايفة نلطشلك الصور عاملاهم حصرياً ؟
كان لازم تعملي ختم مائي عالفوتوشوب في نص الصورة .

بالنسبة لهذه الطريقة بتكون أطيب من وضع الخبز من الناحيتين حيث أن الكفتة تشوى والبصل والفلفل والبندورة وتتحمر وبعد ذلك كما قالت غدير نضع الوجه الثاني للرغيف .

<H2 class=topic-title> رد: عرايس الكباب على (طريقة غدير)



من طرف ام سامر في 25/4/2009, 6:58 am

يسعد صباحك يا غدير يا نوارة الديوان...يسلموا ايديكي طريقه حلوه كتير وزاكيه ايضا...
انا بعملها بس على السب..يعني شواية الكهربا بس ..اما الفحم جديده ..صحيح بشتريها جاهزه عالفحم بس بالبيت.؟؟ رح اجربها ان شالله...يسلموا مره تانيه





</H2>

رد: عرايس الكباب على (طريقة غدير)



من طرف Eng.Ghadeer في 25/4/2009, 1:32 pm

تحياتي الكم جميعاً...آه اتطورت وصورت أعمل الصور Exclusive عشان ما حد يلطشها..
...و هلا بيكي يا ام سامر...وما قلتيلنا عملتي الفتة المصرية ولا لأ امبارح؟؟؟

رد: عرايس الكباب على (طريقة غدير)



من طرف أبو حلمي في 26/4/2009, 5:23 am

ما شاء الله عليكي يا غدير ويسلموا ايديكي على عرايس الكباب اللي عملتيهم طيبة كتير ......
أنا أكلت منها بس انتي عزمتي المشتركين والمشتركات في الديوان على صورهم فقط واللي بيدوق مش زي اللي بيتفرج.

رد: عرايس الكباب على (طريقة غدير)



من طرف ام محمد ابو شعبان في 23/4/2010, 6:33 pm

انا بعمل نفس طريقتك بس بستويهم على الفرن
راح اجرب استويهم على الفحم
يسلمو ايديكى ياغدير


عضو مميز


عدد الرسائل: 156
الأسم الحقيقي:: امل حسن صالح ابو شعبان
تاريخ التسجيل: 28/02/2010